Zavičajna grupa na terenskoj nastavi

Pre teti Mariji

 

     Dena 2. lipnja 2011.  smo mi - zavičajna grupa išli k Mariji Šavor ka poglednemo negdašje nošje.

     Dok je škola završila učiteljica nas je v dve ture otpeljala v Donji Kraljevec. Učiteljica je kupila i čokolodo,  ali se otopila.  Prvi što nas je dočekav biv je mali pes Miki. Teta Marija nas je tpeljala nuter, a učiteljica je dišla po drugo turo. Dok smo došli v hižo, v jani sobi na stolo su bili soki, kolači, smokiji... Teta Marija nam je se to prepravila ka se počastimo. Dok smo si spili i pojeli, išli smo gori. Tam je teta Marija mela se nošje. V jani sobi je biv jan veljki krevet, stol, vetrina i veljki i mejši ormor, a v koto je bila konta i lavor za hmivati. V mejšemo ormoro su bile guzanice, pumparice, košulje… A v vekšemo su bile narodne nošnje. Druga soba je bila puna ormori. V skome je nekaj bilo:ili tibeti, bundeki, spodnjice…

       Teta Marija nam je i pokozala vjenčanico v koji se jana žena ženila. To žena ve ima koli 90 let. Pokozala nam je kak je negda mlodenkina frizura zgledala i pečo. Peča je nekaj slično kak denes veo. Teta Marija je rekla ka su ljudi se to kaj ona ve ima šteli fkrej hititi, ali si je ona zela i napravila to zirko. Pokozala nam je kaj so žene nosile po zimi. Negda neje bilo bitno da li si kaj paše ili ne, glavno je bilo ka greje. I dok se nekaj zdropalo to se ne mom hitalo nego se je krpalo. Tak dok su se deca rodila pak jim je bila tre haljinica, unda se ne nova kupuvala nek je mama svoju svetejšo spodnjico rasporila i zašila opravo. Spodnjico je spokrpala z nekšnim tkanjem, jer dok je gori mela fertofa to se ne vidlo. Na krajo nam je teta Marija pročitalo svoju pesmico Ormor. Rekla je ka se negda po noći stone i piše, sam ka si dušu smiri.

     Dok smo išli dimo smo se zafolili kaj nam je se to pokozala, jer smo se čudaj nafčili kak je negda bilo.

     Ines Oreški, 6.b razred